Qazaqstan Respýblıkasy Mádenıet jáne sport mınıstrliginiń buıryǵy  №189

  2016 jylǵy 29 maýsym, Astana qalasy Memlekettik mádenıet uıymdarynyń azamattyq qyzmetshilerin attestattaýdan ótkizýdiń qaǵıdalary men sharttaryn bekitý týraly 2015 jylǵy 23 qarashadaǵy Qazaqstan Respýblıkasy Eńbek kodeksiniń 139-baby 7-tarmaǵyna jáne «Mádenıet týraly» 2006 jylǵy 15 jeltoqsandaǵy Qazaqstan Respýblıkasy Zańynyń 7-baby 15) tarmaqshasyna sáıkes buıyramyn: 1. Qosa berilip otyrǵan Memlekettik mádenıet uıymdarynyń azamattyq qyzmetshilerin attestattaýdan ótkizýdiń qaǵıdalary bekitilsin. 2. Mynalardyń: 1) «Memlekettik mádenıet uıymdary qyzmetkerlerin attestattaý erejelerin bekitý týraly» Qazaqstan Respýblıkasy Mádenıet jáne aqparat mınıstriniń 2007 jylǵy 12 sáýirdegi № 110 buıryǵynyń (Normatıvtik quqyqtyq aktilerdi memlekettik tirkeý tiziliminde № 4633 bolyp tirkelgen, Qazaqstan Respýblıkasynyń Ortalyq atqarýshy jáne ózge de ortalyq memlekettik organdarynyń aktiler jınaǵynda jarııalanǵan, 2007 jyl, naýryz - sáýir); 2) «Memlekettik mádenıet uıymdary qyzmetkerlerin attestattaý erejelerin bekitý týraly» Qazaqstan Respýblıkasy Mádenıet jáne aqparat Mınıstriniń 2007 jylǵy 12 sáýirdegi № 110 buıryǵyna tolyqtyrý engizý týraly» Qazaqstan Respýblıkasy Mádenıet jáne aqparat mınıstrliginiń 2007 jylǵy 23 shildedegi № 195 buıryǵynyń (Normatıvtik quqyqtyq aktilerdi memlekettik tirkeý tiziliminde № 4874 bolyp tirkelgen, Qazaqstan Respýblıkasynyń Ortalyq atqarýshy jáne ózge de ortalyq memlekettik organdarynyń aktiler jınaǵynda jarııalanǵan, 2007 jyl, maýsym - tamyz); 3) «Memlekettik mádenıet uıymdary qyzmetkerlerin attestattaý erejelerin bekitý týraly» Qazaqstan Respýblıkasy Mádenıet jáne aqparat mınıstriniń 2007 jylǵy 12 sáýirdegi № 110 buıryǵyna ózgerister engizý týraly» Qazaqstan Respýblıkasy Mádenıet jáne aqparat mınıstriniń 2013 jylǵy 03 jeltoqsandaǵy № 280 buıryǵynyń (Normatıvtik quqyqtyq aktilerdi memlekettik tirkeý tiziliminde № 9058 bolyp tirkelgen, «Egemen Qazaqstan» gazetinde 2014 jylǵy 15 qańtar № 8 (28232) jarııalanǵan) kúshi joıyldy dep tanylsyn. 3. Qazaqstan Respýblıkasy Mádenıet jáne sport mınıstrliginiń Personaldy basqarý qyzmeti zańnamada belgilengen tártippen: 1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin; 2) osy buıryq memlekettik tirkelgennen keıin kúntizbelik on kún ishinde tólnusqasyna tolyq sáıkes keletin onyń grafıkalyq formattaǵy kóshirmelerin «Ádilet» aqparattyq-quqyqtyq júıesinde resmı jarııalaý úshin joldaýdy; 3) osy buıryq memlekettik tirkelgennen keıin kúntizbelik on kún ishinde osy buıryqqa qol qoıýǵa ýákiletti tulǵanyń elektrondyq sıfrlyq qoltańbasymen kýálandyrylǵan elektrondy jáne qaǵaz túrindegi kóshirmelerin resmı jarııalaý úshin, Qazaqstan Respýblıkasy normatıvtik quqyqtyq aktileriniń etalondyq baqylaý bankine, Qazaqstan Respýblıkasynyń Normatıvtik quqyqtyq aktileriniń memlekettik tizilimine engizý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy; 4) osy buıryq resmı jarııalanǵannan keıin Qazaqstan Respýblıkasy Mádenıet jáne sport mınıstrliginiń ınternet-resýrsynda ornalastyrýdy; 5) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde osy tarmaqtyń 1), 2), 3) jáne 4) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Mádenıet jáne sport mınıstrliginiń Zań qyzmeti departamentine usynýdy qamtamasyz etsin. 4. Osy buıryqtyń oryndalýyn baqylaý Qazaqstan Respýblıkasy Mádenıet jáne sport mınıstrliginiń Jaýapty hatshysyna júktelsin. 5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasy Mádenıet jáne sporta mınıstri A. MUHAMEDIULY Qazaqstan Respýblıkasy Mádenıet jáne sport mınıstriniń 2016 jylǵy 29 maýsymdaǵy №189 buıryǵymen bekitilgen Memlekettik mádenıet uıymdarynyń azamattyq qyzmetshilerin attestattaýdan ótkizýdiń qaǵıdalary men sharttary 1-taraý. Jalpy erejeler 1. Osy Memlekettik mádenıet uıymdarynyń azamattyq qyzmetshilerin attestattaýdan ótkizýdiń qaǵıdalary men sharttary (budan ári – Qaǵıdalar) memlekettik mádenıet uıymdarynyń azamattyq qyzmetshilerin (budan ári – qyzmetshiler) attestattaýdan ótkizý tártibi men sharttaryn aıqyndaıdy. 2. Qyzmetshilerdi attestattaý memlekettik mádenıet uıymdary qyzmetkerleriniń biliktilik deńgeıiniń biliktilik talaptaryna sáıkestigin aıqyndaý maqsatynda ótkiziledi. 3. Attestattaý kezinde negizgi krıterıı qyzmetshilerdiń olarǵa júktelgen fýnksıonaldyq mindetterin oryndaý qabileti bolyp tabylady. 4. Respýblıkalyq mádenıet uıymdarynyń birinshi basshylary men olardyń orynbasarlary bolyp tabylatyn qyzmetshilerdi mádenıet salasyndaǵy ortalyq ýákiletti organ janyndaǵy attestattaý komıssııasy attestattaýdan ótkizedi. Oblystyq, respýblıkalyq mańyzy bar qalalardyń, astananyń, aýdandyq mádenıet uıymdarynyń birinshi basshylary men olardyń orynbasarlary bolyp tabylatyn qyzmetshilerdi tıisti oblystardyń, respýblıkalyq mańyzy bar qalalardyń, astananyń, aýdandardyń jergilikti atqarýshy organdary janyndaǵy attestattaý komıssııalary attestattaýdan ótkizedi. 5. Qyzmetshiler azamattyq qyzmette bolǵan árbir keıingi úsh jyl ótken soń, biraq osy laýazymǵa ornalasqan kúninen bastap bir jyldan buryn emes merzimde attestattaýdan ótedi. Bul rette attestattaý kórsetilgen merzim bastalǵan kúninen bastap alty aıdan keshiktirilmeı ótkizilýi tıis. Oqý demalysyndaǵy, eńbek aqysy saqtalmaıtyn demalystaǵy (alty aıdan aspaıtyn), júktiligi jáne bala (balalar) týýyna, jańa týǵan balany asyrap alýǵa, balanyń úsh jasqa deıin olarǵa kútim jasaýǵa baılanysty demalystaǵy qyzmetshiler jumysqa shyqqannan keıin alty aıdan erte emes merzimde attestattalady. 2-taraý. Attestattaý ótkizý tártibi men sharty 6. Attestattaý mynadaı kezeńderdi qamtıdy: 1) attestattaýdy ótkizýge daıyndyq; 2) qyzmetshilermen attestattaý komıssııasy ótkizetin áńgimelesý; 3) attestattaý komıssııasynyń sheshim shyǵarýy. 7. Attestattaýdy ótkizýge daıyndyqty kadr qyzmeti nemese kadr qyzmetin júzege asyratyn tulǵa (budan ári – kadr qyzmeti) uıymdastyrady jáne ol mynadaı is-sharalardy qamtıdy: 1) attestattaýǵa jatatyn qyzmetshige qajetti qujattardy daıyndaý; 2) attestattaý ótkizý kestelerin ázirleý; 3) attestattaý komıssııasynyń quramyn aıqyndaý; 4) qyzmetshilerdi attestattaýdan ótkizý maqsaty men tártibi týraly túsindirme jumystaryn uıymdastyrý. 8. Qyzmetshini taǵaıyndaýǵa ýákiletti tulǵa kadr qyzmetiniń usynymy boıynsha: 1) attestattaýǵa jatatyn qyzmetshiler tizimin; 2) attestattaý ótkizý kestesin; 3) attestattaý komıssııasynyń quramyn; 4) qyzmetshiniń fýnksıonaldyq mindetterine qatysty áńgimelesý úshin suraqtar men jaýaptar tizbesin bekitedi. 9. Kadr qyzmeti jarty jylda bir ret attestattaýǵa jatatyn qyzmetshilerdi aıqyndaıdy. 10. Kadr qyzmeti qyzmetshilerdi attestattaýdan ótkizý bastalǵanǵa deıin kúntizbelik otyz kúnnen keshiktirmeı attestattaý ótkizý kúni týraly habardar etedi, sondaı-aq qyzmettik minezdeme suratady. 11. Attestattaýǵa jatatyn qyzmetshiniń tikeleı basshysy qyzmettik minezdeme resimdeıdi jáne ony kadr qyzmetine attestattaý komıssııasynyń otyrysyna deıin kúntizbelik jıyrma bes kúnnen keshiktirmeı joldaıdy. 12. Qyzmettik minezdeme qyzmetshiniń kásibı, iskerı jáne jeke qasıetterin jan-jaqty jáne obektıvti baǵalaýdan jáne qyzmettik jumys nátıjelerinen turady. 13. Kadr qyzmeti attestattaýǵa jatatyn qyzmetshini oǵan jazylǵan qyzmettik minezdememen attestattaý komıssııasynyń otyrysyna deıin kúntizbelik on kúnnen keshiktirmeı tanystyrady. 14. Attestattaýǵa jatatyn qyzmetshi ózine berilgen qyzmettik minezdememen kelispegen jaǵdaıda, kadr qyzmetine attestattaý komıssııasynyń otyrysyna deıin, oryndalǵan jumysy týraly jeke ázirlengen esebin usynady. 15. Kadr qyzmeti osy Qaǵıdalarǵa qosymshaǵa sáıkes nysanda attestattaýǵa jatatyn qyzmetshige attestattaý paraǵyn resimdeıdi. 16. Kadr qyzmeti osy Qaǵıadalardyń 8-tarmaǵynyń 1) jáne 2) tarmaqshalarynda kórsetilgen qujattardy attestattaý komıssııasyna attestattaý komıssııasynyń otyrysyna deıin bir kúnnen keshiktirmeıtin merzimde usynady. 17. Attestattaýǵa jatatyn qyzmetshi dáleldi sebeptermen komıssııa otyrysyna kelmegen jaǵdaıda (ýaqytsha eńbekke jaramsyzdyq nemese qyzmettik issapar kezeńinde), ony attestattaý máselesin qarastyrý komıssııamen aıqyndalatyn basqa merzimge aýystyrylady. Attestattaý merzimin bir ret qana aýystyrýǵa jol beriledi. 18. Áńgimelesý nátıjeleri boıynsha komıssııa tómendegi sheshimderdiń birin qabyldaıdy: 1) atqaryp otyrǵan laýazymyna sáıkes keledi; 2) qaıta attestattaýdan ótýi tıis; 3) atqaryp otyrǵan laýazymyna sáıkes kelmeıdi. 19. Qaıta attestattaýdan ótý osy Qaǵıdalarmen aıqyndalǵan tártippen aldyńǵy attestattaý komıssııasynyń sheshim shyǵarǵan kúninen bastap kúntizbelik otyz kúnnen keıin ótkiziledi. Attestattaý komıssııasy, qaıta attestattaýdan ótkize otyryp, tómendegi sheshimderdiń birin qabyldaıdy: 1) atqaryp otyrǵan laýazymyna sáıkes keledi; 2) atqaryp otyrǵan laýazymyna sáıkes kelmeıdi; 20. Attestattaý komıssııasynyń múshelerimen qol qoıylǵan attestattaý komıssııasynyń sheshimderi hattamamen resimdeledi jáne attestattaý paraǵyna engiziledi. 21. Áńgimelesý ótkizilgennen keıin kadr qyzmeti bes jumys kúni ishinde qyzmetshini attestattaý komıssııasynyń sheshimimen tanystyrady. 22. Qyzmetshiniń attestattaý paraǵy, onyń qyzmettik minezdemesi jeke iste saqtalady. 3-taraý. Attestattaý komıssııasy 23. Attestattaý komıssııasyn kadr qyzmetiniń usynysy boıynsha basshy qurady jáne ol komıssııa músheleri men hatshydan turady. Attestattaý komıssııasy músheleriniń ishinen tóraǵa taǵaıyndalady. Attestattaý komıssııasynyń hatshysy bolyp kadr qyzmetiniń qyzmetkeri taǵaıyndalady. 24. Attestattaý komıssııasynyń tóraǵasy qyzmetke basshylyq jasaıdy, otyrystarǵa tórǵalyq etedi, jumysty josparlaıdy, jalpy baqylaýdy júzege asyrady, qyzmetke jáne qabyldanatyn sheshimderge jaýapty bolady. 25. Attestattaý komıssııasynyń hatshysy komıssııa otyrysyna tıisti materıaldardy daıyndaýdy júzege asyrady jáne ony ótkizgennen keıin hattamany resimdeıdi. Hatshy tehnıkalyq qyzmet kórsetýdi júzege asyrady, attestattaý komıssııasynyń jumys isteýin qamtamasyz etedi. 26. Attestattaý komıssııasynyń otyrysy onyń quramynyń keminde úshten eki quramy qatysqanda ǵana zańdy dep sanalady. Attestattaý komıssııasy múshelerin almastyrýǵa jol berilmeıdi. 27. Attestattaý komıssııasynyń sheshimi ashyq daýys berý arqyly qabyldanady. Attestattaý komıssııasynyń quramyna kiretin attestattaýdan ótip jatqan qyzmetshi ózine qatysty daýys bergen kezde qatyspaıdy. 28. Daýys berý nátıjeleri attestattaý komıssııasy músheleriniń kóp daýys berýimen aıqyndalady. Daýystar teń bolǵan kezde attestattaý komıssııasy tóraǵasynyń daýysy sheshýshi bolyp tabylady. 29. Attestattaý komıssııasy múshesiniń erekshe pikiri jazbasha túrde baıandalady jáne hattamaǵa qosa tirkeledi. 30. Attestattaý komıssııasynyń músheleri attestattaýdan jalpy negizde ótedi. 31. Attestattaý komıssııasynyń sheshimine baılanysty barlyq daýlar Qazaqstan Respýblıkasy zańnamasymen belgilengen tártippen sheshiledi. Memlekettik mádenıet uıymdarynyń azamattyq qyzmetshilerin attestattaýdan ótkizýdiń qaǵıdalary men sharttaryna qosymsha nysan Attestattaýdan ótetin azamattyq qyzmetshini attestattaý paraǵy Attestattaý túri: kezekti |____| qaıta |____| (keregin H belgisimen belgile) 1. Tegi, aty, ákesiniń aty (bolǵan kezde) ____________________________ ____________________________________________________________________ 2. Týylǵan kúni «___» ______________ ______ jyl 3. Bilimi, biliktiligin arttyrý, qaıta daıarlaý (qashan jáne qandaı oqý ornyn bitirdi, bilimi boıynsha mamandyǵy jáne biliktiligi, biliktiligin arttyrý, qaıta daıaraý týraly qujattar, ǵylymı dárejesi, ǵylymı ataǵy, olardy bergen kúni) týraly málimet ___________________________ _____________________________________________________________________________ _____________________________________________________________________________ 4. Atqaryp otyrǵan laýazymy men oǵan taǵaıyndalǵan kúni___________________________ _____________________________________________________________________________ 5. Jalpy eńbek ótili ___________________________________________________________ 6. Memlekettik jáne/nemese azamattyq qyzmettegi laýazymdardaǵy jumys ótili _________________________________________________________ 7. Attestattaý komıssııasy músheleriniń bergen eskertýleri men usynystary: _________________________________________________________ ____________________________________________________________________ ____________________________________________________________________ 8. Otyrysqa attestattaý komıssııasynyń _________ múshesi qatysty. 9. azamattyq qyzmetshiniń qyzmetin daýys berý nátıjeleri boıynsha baǵalaý: 1) atqaryp otyrǵan laýazymyna sáıkes keledi (daýys sany) __________; 2) qaıta attestattaýdan ótýge jatady (daýys sany) _________________;* 3) atqaryp otyrǵan laýazymyna sáıkes kelmeıdi (daýys sany) ________. 10. Attestattaý komıssııasynyń usynymdary (berilgen ýájdemelerdi kórsete otyryp) ______________________________________________________ ____________________________________________________________________ ____________________________________________________________________ ____________________________________________________________________ 11. Eskertpe __________________________________________________ ____________________________________________________________________ ____________________________________________________________________ Attestattaý komıssııasynyń tóraǵasy: _________________________ (qoly) Attestattaý komıssııasynyń hatshysy: ____________________________ (qoly) Attestattaý komıssııasynyń músheleri: ____________________________ (qoly) ______________________________ (qoly) ______________________________ (qoly) ______________________________ (qoly) Attestattaý júrgizgen kúni «___» ______________ _______ jyl Attestattaý qorytyndylary boıynsha uıym basshysynyń sheshimi ________________________________________________________________________ ________________________________________________________________ ________ _________________________________________________________________________ Attestattaý paraǵymen tanystym: ___________________________________ (azamattyq qyzmetshiniń qoly jáne kúni) Uıym móriniń orny * qaıta attestattaýdan ótken kezde baǵa qoıylmaıdy Buıryq Qazaqstan Respýblıkasynyń Ádilet mınıstrliginde 2016 jylǵy 28 shildede Normatıvtik quqyqtyq kesimderdi memlekettik tirkeýdiń tizilimine №14035 bolyp engizildi.